يريحانه...يعرش الشوك ذاكه الحضن سلطانه
يعود الماذبل فد يوم ,,, طول الوكت ريانه
يادار الوفه ياهيل,,, يادله,,, ووجاغ الفتل دخانه
يكاع الماحوت صبخه ,,,, يسور العالي بنيانه
ي بيرل والملام اشكال,,, مايجدي الملام الروح خلصانه
ي بيرل واليريد ايلوم,,, أسأله ايخلي وجدانه
سفينه انتي ابحرت وسط الروح,,, ماتحتاج سفانه
تراه آنه هذاك آنه
هذاك الاوهبج كلبه,,,او حبج صار عنوانه
مايتعب يوصل المكصود,,, مربوط ابحجي السانه
و يكول الوفه عدنه اطباع,,,, رضعناهه اويه الحليب او كبرت اويانه
ي بيرل والكلب لو دك,,,يدك بسمج ,,,يدك ويصيح بيرل صار ديدانه
يصيح أهلا ,, تعالي , إتفضلي سهلا,, عرشج هذا يابيرل,,,, والايام تيجانه
ي بيرل,, ياسلف ملتم,, ياهيبة مضيف او مطكة الفنجان,,يعز او خير دنيانه
يجوري او رابي ويه الماي,,,يريحة عنبر المشخاب,,,يجناح الفراشه او كثرة الوانه
يحاصل منه ماموجود,,,غريب اسمه,,حلو طعمه,,صعب ينضاك نازل كبل ميحانه
اله مده الكلب مقفول,,,,, من شافج,,,فتح عالحيل بيبانه
فتح عالحيل بيبانه ,,,,,فتح عالحيل بيبانه,,,,,,فتح عالحيل بيبانه